Xitoy davlat kengashining sobiq bosh vaziri Li Ketsyan vafot etdi
Siyosat
2023-10-27
Xitoy Xalq Respublikasining rahbari Si Jinpingning sobiq yaqin tarafdorlaridan biri to‘satdan yurak xurujidan vafot etgan.
Xitoy Xalq Respublikasi davlat kengashining sobiq bosh vaziri Li Ketsyan to‘satdan yurak xurujiga uchradi va shifokorlarning barcha urinishlariga qaramay, 27 oktyabr, jumaga o‘tar kechasi Shanhayda vafot etdi. O‘limidan so‘nggi bir necha kun oldin Li Ketsyan Shanhayda davolanishda edi.
Li Ketsyan 2013 yilning martidan 2023 yilning martigacha Xitoy Xalq Respublikasi davlat kengashi – Xitoyning oliy davlat ijroiya organi bosh vaziri lavozimida ishlagan. Bu lavozim boshqa mamlakatlardagi bosh vazir lavozimiga to‘g‘ri keladi.
Iqtisodchi sifatida ta’lim olgan Li bir vaqtlar Xitoy Kommunistik partiyasi (XKP) rahbarligiga yetakchi nomzod hisoblangan, ammo so‘nggi yillarda Xitoy rahbari Si Jinping tomonidan «borgan sari chetga surilgan». Shu tariqa, 2023 yilda Xitoy Xalq Respublikasi davlat kengashi bosh vaziri lavozimini ko‘pincha Si Jinpingning o‘ng qo‘li deb ataladigan Li Syan egalladi.
Li Ketsyanning o‘zi bu lavozimni tark etdi deb ham aytish mumkin, chunki Xitoy qonunchiligi uni uchinchi muddatga qayta saylanishiga imkon bermagan. Va bundan oldin, Si Jinping cheklovlarga qaramay, yana bir bor Markaziy qo‘mitaning bosh kotibi etib saylangan bo‘lsa-da, u XKP Markaziy qo‘mitasining hozirgi tarkibiga qo‘shilmadi.
