Xanchjou-2022. Yo'limiz yarim finalda yakuniga yetdi
Futbol bo'yicha olimpiya terma jamoamiz Janubiy Koreyaga yengilishdi
Dunyo
2023-10-05
4 oktyabr kuni Timur Kapadze shogirdlari turnirning yarim final baxsida Janubiy Koreyaga qarshi maydonga chiqishdi.
Uchrashuvning 4-daqiqasidayoq raqiblarimiz darvozamizga to'p kiritishdi. Jarima zarbasidan ajoyib kombinatsiya amalga oshirildi va Vu Yon to'pni darvozaga kiritdi - 1:0.
Hamyurtlarimiz tezda o'zlariga kelib olishdi. Birinchi taymning 25-daqiqasida jamoamiz sardori Jasur Jaloliddinov jarimadan yo'llagan ajoyib zarbasi bilan hisobni tenglashtirdi.
Afsuski, golimizdan 13 daqiqa o'tar-o'tmas, himoyamizdagi qo'pol xato tufayli Vu Yon foydalanib ketdi va dublni rasmiylashtirdi.
Ikkinchi taymning 74-daqiqasida Abdurauf Bo'riyev 2ta sariq kartochka natijasida qizil kartochka olib maydonni tark etdi.
10 kishi bo'lib qolgan jamoamiz, raqib darvozasiga yo'l topa olishmadi. Yakuniy hisob 2:1
Vakillarimiz 7-oktyabr kuni 3-o'rin uchub bahsda maydonga chiqishadi. Koreya esa oltin medal uchun Yaponiya bilan kurash olib boradi.
