Toshkentda tadbirkorning 325 mln so‘mini o‘zlashtirgan ekspeditor aniqlandi
Poytaxtning Shayxontohur tumanida tadbirkorning 325,7 mln so‘mini o‘zlashtirgan ekspeditor aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Jinoyat
2024-06-10
745
Departamentning Shayxontohur tuman bo‘limi tomonidan tadbirkorlik sub’yektlarining huquqlarini himoya qilish yuzasidan tergovga qadar tekshiruv o‘tkazildi.
Unda, U.M. MChJ haydovchi-ekspeditori E.Yu. buyurtmachilar tomonidan ushbu MChJga qaytarilgan 139 dona turli mahsulotlarni MChJ omborxonasiga qayta kirim qilmasdan, boshqa shaxslarga naqd pulga sotib, tadbirkorning 325,7 mln so‘mini o‘zlashtirish yo‘li talon-toroj qilganligi aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
