Toshkentda aerokosmik universiteti ochilishi rejalashtirilmoqda
Transport vaziri o‘rinbosari Koreya aerokosmik universiteti prezidenti bilan uchrashdi
Jamiyat
2023-10-14
845
12-oktyabr kuni Transport vaziri o‘rinbosari I.Abdugafarov Koreya aerokosmik universiteti prezidenti Hee-Young Hurr boshchiligidagi delegatsiya vakillari bilan uchrashdi, deb xabar berilmoqda.
Uchrashuvda Toshkent davlat transport universiteti bilan birgalikda Koreya aerokosmik universiteti filialini tashkil etish masalasi ko'rib chiqildi.
Shuningdek, davlat va xususiy sektor aviatsiya sanoati xodimlari uchun qisqa muddatli o‘quv dasturlarini tashkil etish yuzasidan fikr almashildi.
"Hee-Young Hurr janoblari KAU dasturlarni ishlab chiqishi va tegishli mutaxassislar ishtirokida maxsus ma’ruzalar o‘tkazishni tashkil qilish bo‘yicha amaliy yordam ko‘rsatishga tayyor ekanligini ma’lum qildi," - deydi Transport vazirligi axborot xizmati.
