Toshkent aeroportida joylashgan mehmonxona auksionga qo‘yildi
Mehmonxonaning boshlang‘ich bahosi yiliga 1 296 000 000 so‘m etib belgilandi
Dunyo
2023-10-23
387
Poytaxt aeroportida ilk bor mehmonxona ochiladi, deb xabar beradi Uzbekistan Airports.
U xalqaro aviaqatnovlar terminali jo'nab ketish zalining steril hududida joylashgan va tranzit yo‘lovchilar uchun mo‘ljallangan.
Mehmonxona "E-auksion.uz" elektron platformasiga No 7214493 lot raqami bilan joylashtirilgan.
Umumiy maydoni 240 kv.m. bo‘lgan mehmonxonaning boshlang‘ich bahosi yiliga 1 296 000 000 so‘m etib belgilangan. Arizalar qabul qilishning oxirgi muddati - 2023-yil 30-oktyabr.
Ta'kidlash joizki, ikki qavatli mehmonxona 24 ta xona iborat.
Ushbu mehmonxonada sayyohlar uchun informatsion tablo, yuvinish xonasi va dushlar, 24-soatlik resepshn va parvozga individual taklif qilish tizimi mavjud.
"Bugungi kunda mehmonxona to'liq qurib bitkazilgan va foydalanishga tayyor", - deydi Uzbekistan Airports.
