Temir yo'l kesishmasida sodir bo'lgan YTH yuzasidan axborot
Jinoyat
2024-01-18
812
Sho’rchi - Xayrobod temir yo’l uchastkasida harakatlanib ketayotgan shaharlaro poyezd Spark avtomashinasi bilan to’qnashib ketgan.
Bugun, joriy yilning 18-oktabr kuni taxminan soat 08:47 da Surxondaryo viloyati Sho‘rchi – Xayrobod uchastkasidagi qo‘riqlanmagan (yo‘l belgilari va signalizatsiyasi o‘rnatilgan) temir yo‘l kesishmasida shaharlararo poyezd favqulodda tormozlanganiga qaramay Spark rusumli yengil avtomobil bilan to‘qnashib ketgan.
Mazkur holat avtomashina haydovchisi tomonidan “Temir yo‘l kesishmalari orqali harakatlanish” qoidasini qoʻpol ravishda buzgani sabab boʻlgan. To‘qnashuv natijasida teplovoz biroz shikastlangan, biroq poyezd yo‘lovchilari jabrlanmagan. Spark avtomashinasining haydovchisi shifoxonaga yetkazilgan va ko‘rsatilgan yordamga qaramay vafot etgan.
Hozirgi vaqtda huquq-tartibot idoralari tomonidan esa voqea hodisa yuzasidan tekshiruv olib bormoqda.
Hurmatli transport vositalari haydovchilari! Yo'l harakati qoidalariga qat’iy rioya qiling! Shunda siz o'z hayotingizni saqlab qolasiz va shu bilan atrofdagilarni ham himoya qilasiz!
"O'zbekiston temir yo'llari" AJ
Axborot-tahliliy media markazi
