"Temir Mayk" Toshkentga keladi
12-17 noyabr kunlari "WBC"ning yillik konvensiya yig‘ilishiga ilk bor mezbonlik qilamiz
Dunyo
2023-10-05
WBC tashkilotining 61-konvensiyasi doirasida 17 noyabr kuni poytaxtimizdagi "Humo Arena" sport saroyida bir qator nomdor charm qo‘lqop ustalari ishtirokida boks janglari tashkil etiladi.
O‘zbekiston professional boks federatsiyasi raisi Umid Yakubovning bildirishicha, ushbu anjumanda Evander Xolifild, Amir Iqbol Xan, Kostya Szyu kabi taniqli bokschilar ishtirok etishadi.
Professional boks dunyosining eng mashhur yulduzlaridan biri afsonaviy Mayk Tayson ham kuni kecha Toshkentga kelishini rasman tasdiqladi, deya UzA xabar bermoqda.
