Samolyotda jamoat tartibini buzgan fuqaro qo‘lga olindi
Surxondaryolik erkak mast holda samolyot bortida behayo so‘zlarni ishlatib, barchaga xalal bergan
Jamiyat
2023-10-25
21 oktyabr kuni O‘zbekiston fuqarosi Toshkent xalqaro aeroportida qo‘lga olindi, deb xabar berilmoqda.
"Aeroflot" aviakompaniyasining Moskva-Toshkent yo‘nalishida parvoz qilgan shaxs samolyot bortida jamoat tartibini buzgan.
Surxondaryo viloyatida tug‘ilgan erkak behayo so‘zlarni ishlatib, yo‘lovchilar va bort kuzatuvchilarga xalal bergan.
24 oktyabr kuni Sergeli tuman sudi ishni ko‘rib chiqib, unga nisbatan BHMning 3 baravari (990 ming so‘m) miqdorida jarima jazosini tayinladi.
