Robototexnika bo'yicha jahon chempionatida o'zbekistonlik maktab o'quvchilari 3-chi o'rinni egallashdi
Robototexnika bo'yicha jahon chempionatida o'zbekistonlik maktab o'quvchilari 3-chi o'rinni egallashdi
Singapurdagi FIRST GLOBAL CHALLENGE chempionatida vakillarimiz bronza medallariga sazovor bo'lishdi
Jamiyat
2023-10-16
471
O‘zbekistonlik maktab o‘quvchilari Singapurda bo‘lib o‘tgan FIRST GLOBAL CHALLENGE robototexnika chempionatida 3-o'rinni egallashdi, deb xabar berilmoqda.
“Biz Singapurga kuchli jamoani olib keldik, ular qisqa vaqt ichida xalqaro chempionatga a’lo darajada tayyorgarlik ko'rishdi. O‘zbekistonda robototexnika yildan-yilga jadal rivojlanmoqda”, - deydi jamoa ustozi Safina Teshabayeva.
Terma jamoamiz tarkibidan Shukrullo Sodiqov (Buxoro shahri), Mahkambek Teshabayev (Toshkent shahri), Nazarboy Rahmonov (Toshkent shahri), Abdulaziz Mirahmedov (Toshkent shahri), Aydar Ermuxon (Toshkent shahri) joy olgan.
FIRST GLOBAL CHALLENGE - har yili turli mamlakatlarda o'tkaziladigan robototexnika bo'yicha jahon chempionati hisoblanadi. Bu yilgi chempionatda 191 davlatdan vakillar ishtirok etishdi.
O'zbekiston terma jamoasi ushbu chempionatda ikkinchi yil ishtirok etmoqda.
