Red Wings Airlines aviakompaniyasi Qozondan Samarqandga to‘g‘ridan-to‘g‘ri muntazam reyslarni amalga oshirishni rejalashtirmoqda
Red Wings Airlines aviakompaniyasi Qozondan Samarqandga to‘g‘ridan-to‘g‘ri muntazam reyslarni amalga oshirishni rejalashtirmoqda
Dunyo
2023-10-17
498
Rossiya Tatariston Respublikasi poytaxtidan O‘zbekistonning eng mashhur shaharlaridan biriga birinchi reys 2023-yil 30-oktabr kuni amalga oshiriladi.
Parvozlar haftada bir marta - dushanba kunlari amalga oshiriladi. Samolyot Qozondan mahalliy vaqt bilan 21:45da uchib, ertasi kuni ertalab soat 03:00da Samarqandga qo‘nadi. Qaytish reysi seshanba kuni soat 04:00 da, Rossiyaga qo’nish esa soat 05:30 da rejalashtirilgan.
Yo‘lovchilar havoda 3 soat 15 daqiqa vaqt o‘tkazadilar. Bu yoʻnalishda sayyohlarga 100 yoʻlovchi oʻrindigʻiga ega SSJ100 laynerlari xizmat koʻrsatadi.
Ushbu reyslarga chiptalarni aviakompaniyaning rasmiy veb-saytida, mobil ilovasida va agentlaridan xarid qilish mumkin.
Eslatib oʻtamiz, Samarqand Oʻzbekistonning uchinchi yirik shahri hisoblanadi. Shahar turli davrlarga tegishli ko'plab diqqatga sazovor joylar bilan ajralib turadi.
