Metropolitenning 3ta bekatida poyezd harakati 3 kunga to'xtatiladi
Bular Tolariq (10-bekat), Xonobod (11-bekat) va Quruvchilar (12-bekat) bekatlari
Dunyo
2023-10-27
3-5-noyabr kunlari “Yer usti halqa yo‘li” yo‘nalishining Tolariq (10-bekat), Xonobod (11-bekat) va Quruvchilar (12-bekat) bekatlarida poyezdlar harakati to‘xtatiladi.
Bu haqda "Toshkent metropoliteni" DUK xabar bermoqda.
Bunga sabab, yo'nalishning Turon (13-bekat) va Qipchoq (14-bekat) metro bekatlarida qurilish ishlarining so‘ngi bosqichi amalga oshirilishi.
Bu kunlarda poyezdlar harakati "Texnopark" (Do‘stlik-2) — “Qiyot” (9-bekat) bekatlari oralig'ida harakatlanadi.
Yo‘lovchilarga noqulaylik hosil qilmaslik maqsadida, “Qiyot” (9-bekat) - “Quruvchilar” (12-bekat) bekatlari oralig‘ida bepul xizmat ko‘rsatuvchi qo‘shimcha avtobuslar harakati yo‘lga qo‘yiladi.
"Keltirilgan noqulaylik yuzasidan yo‘lovchilardan uzr so‘raymiz," - Toshkent metropoliteni DUK.
