Meksikaning janubiy qirg'og'iga Otis to'foni yopirildi
Natijada 48 kishi halok bo‘lgan, yana 36 kishi bedarak yo‘qolgan
Dunyo
2023-10-30
25-oktyabr kuni Tinch okeanida yuzaga kelgan “Otis” to‘foni Meksikaning Gerrero shtatiga yopirildi.
To'fon qurbonlari soni 48 kishiga yetdi, yana 36 kishi bedarak yo‘qolgan. Bu haqda Gerrero shtati gubernatori Evelin Salgado ma'lum qildi.
Meksika prezidenti Andres Manuel Lopez Obrador ham qidiruv-qutqaruv ishlari uzluksiz davom etayotganini ta'kidladi.
To'fonning ehtimoliy oqibatlarini bartaraf etish uchun hududga 17 ming harbiy va politsiya hodimlari safarbar etilgan.
To'fon tufayli o'n minglab aholining uylari zarar ko'rdi.
