Kobulda Tolibon va O‘zbekiston vakillari suv xo‘jaligi masalalarini muhokama qildi
Dunyo
2023-10-30
Tolibon guruhi Energetika va suv resurslari vaziri Abdul Latif Mansur Kobulda Oʻzbekiston energetika vaziri bilan uchrashuv o'tkazdi.
Tolibon energetika va suv resurslari vazirligi xabarida aytilishicha, uchrashuvda “suv resurslarini boshqarish” masalasi muhokama qilingan.
Bayonotga koʻra, tomonlar oʻrtasida 220 kV elektr uzatish liniyasini taʼmirlash, Oʻzbekistondan import qilinadigan elektr tarmogʻini qayta koʻrib chiqish, 500 kV Surxon-Pule-Xomri loyihasini amalga oshirishning kelgusi masalalari muhokama qilingan.
29-oktabr, yakshanba kuni O‘zbekiston Bosh vaziri o‘rinbosari Jamshid Xo‘jayev boshchiligidagi oliy martabali O‘zbekiston delegatsiyasi Kobulga kelgan edi.
Delegatsiya Kobulda Tolibonning iqtisodiy masalalar bo‘yicha bosh vazir o‘rinbosari Abdul G‘ani Baradar bilan uchrashdi. Yig'ilishda Afg'onistonda suv xo'jaligi, temir yo'llar, transport, texnik konchilik va qishloq xo'jaligini rivojlantirish kabi mavzular muhokama qilindi.
15 sentabr kuni Tojikistonda boʻlib oʻtgan Markaziy Osiyo davlat rahbarlarining beshinchi sammitida Shavkat Mirziyoyev Tolibon harakati Qoʻshtepa kanali qurayotgani va Markaziy Osiyodagi suv dinamikasi va muvozanatini tubdan oʻzgartirishi mumkinligi haqida ogohlantirgan edi.
