Elektron xizmat ko’rsatuvchi xorijiy kompaniyalar 48,3 mlrd soʻm soliq toʻlagan
Dunyo
2023-10-28
Soliq qo’mitasi ma’lumotlariga ko’ra eng katta soliq to’lovchi Meta(Facebook) kompaniyasi bo’lgan.
2023-yil yanvar-sentabr oylarida O‘zbekistonda elektron xizmatlar ko‘rsatuvchi 52 ta xorijiy kompaniya tomonidan 48,3 mlrd soʻm soliq toʻlangan. Bu o‘tgan yilning mos davriga nisbatan 1,5 barobar ko‘p.
Bunda, toʻlangan soliqlarning 97 %i elektron xizmatlar koʻrsatuvchi 10 ta xorijiy kompaniya hissasiga to‘g‘ri keladi:
🔹Meta - 18,7 mlrd so'm;
🔹Google - 14,9 mlrd so'm;
🔹Apple - 9 mlrd so'm;
🔹Вooking.соm - 1,2 mlrd so'm;
🔹Netflix - 916,7 mln so'm;
🔹Xsolla - 613,7 mln so'm;
🔹Yandex - 476,4 mln so'm;
🔹Adobe Systems - 326,5 mln so'm;
🔹Microsoft - 326 mln so'm;
🔹Activision - 310,4 mln so'm.
Soliq kodeksiga ko’ra elektron xizmatlar koʻrsatuvchi chet el yuridik shaxslari o‘tgan chorakdan keyingi oyning 20-kunidan kechiktirmay soliq hisobotlarini taqdim etadi va soliqlarni to‘laydi.
