Bojxona postidan 2 kilogrammga yaqin "porox" olib kirishga urinish aniqlandi
“Porox” moddasi portlovchi moddalar tarkibiga kiradi
Dunyo
2023-10-23
489
Xabar berilishicha, Toshkent viloyati “Yallama” chegara bojxona postiga “DAF” rusumli yuk mashinasi kirib kelgan va belgilangan tartibda bojxona ko‘rigidan o‘tkazilgan.
Natijada, avtomashinaning bagaj qismida 1 dona qog‘oz quti ichida og‘irligi 1,85 kilogramm “porox” moddasi borligi aniqlangan.
Ma'lumot uchun, “porox” moddasi portlovchi moddalar tarkibiga kiradi.
Qayd etish kerakki, Jinoyat kodeksining 246-moddasiga binoan o‘q-dorilar va portlovchi moddalarni davlat hududiga noqonuniy olib kirish kontrabanda jinoyati hisoblanib, jinoiy javobgarlik belgilangan.
