Andijonda Suriyadagi terroristik guruhlarga qo'shilmoqchi bo‘lgan shaxslar qo‘lga olindi
Andijonda Suriyadagi terroristik guruhlarga qo'shilmoqchi bo‘lgan shaxslar qo‘lga olindi
E’tibor tortmaslik uchun, Turkiyaga "ishlash" uchun borib, u yerdan Suriyaga o‘tmoqchi bo‘lishgan
Jinoyat
2023-10-19
567
"Andijon viloyatining Oltinko‘l tumanida yashovchi 3 nafar fuqaroning Suriyadagi jangarilar safiga borib qo‘shilishlarining oldi olindi", deb xabar berilmoqda.
Aniqlanishicha, ular hozirda jangarilar safida bo‘lgan “Abu Saloh”, “Abu Valid” va “Ayub” laqabli shaxslarning internet tarmog‘ida yoshlarni terroristik guruhlarga qo‘shilishga chorlovchi da’vatlari ta’siriga tushishgan.
Oila a’zolarining qarshiligiga qaramasdan, ular Suriyaga ketishni maqsad qilishgan.
Boshqalarning e’tiborini tortmaslik maqsadida, ular xorijda migrantlarni ish bilan ta’minlovchi xususiy bandlik firmasi orqali Turkiya davlatiga borib, so‘ngra Suriyaga o‘tmoqchi bo‘lishgan.
Hozirda mazkur 3 nafar fuqaroga nisbatan jinoyat ishi qo‘zg‘atilgan.
