10 va 11-sinf o‘quvchilari uchun 4 ta yo‘nalishda chuqurlashtirib o‘qitiladigan tanlov fanlari belgilandi
10 va 11-sinf o‘quvchilari uchun 4 ta yo‘nalishda chuqurlashtirib o‘qitiladigan tanlov fanlari belgilandi
Keyingi o‘quv yilidan o‘quvchilarining qiziqish va qobiliyatiga qarab yangi yo‘nalishlar tavsiya etilishi rejalashtirilgan
Jamiyat
2023-10-19
479
Maktablarning 10- va 11-sinf o‘quvchilari uchun 4 ta yo‘nalishda tanlov fanlari belgilandi. Ushbu fanlar o‘quvchilarga chuqurlashtirib o‘qitiladi. Bu haqda Maktabgacha va maktab ta’limi vazirligi xabar berdi.
Yo‘nalishlar quyidagicha:
matematika-fizika;
ona tili-chet tili;
kimyo-biologiya;
matematika-chet tili.
Hozir matematika-fizika yo‘nalishida 16 ta, ona tili-chet tili yo‘nalishida 51 ta, kimyo-biologiya yo‘nalishida 40 ta, matematika-chet tili yo‘nalishda 30 ta sinfda o‘quvchilar ta’lim olmoqda, deyiladi vazirlik xabarida.
Vazirlik xabar berishicha, 2024-2025-o‘quv yilidan o‘quvchilarning qiziqish va qobiliyatiga qarab yangi yo‘nalishlar tavsiya etilishi rejalashtirilgan.
