Sandro Tonali 10 oyga futboldan chetlashtirildi
Futbolchi Italiya chempionati o'yinlariga pul tikkan
Sport
2023-10-26
Angliyaning “Nyukasl” klubi va Italiya terma jamoasi yarim himoyachisi Sandro Tonali o‘yinlarga pul tikgani uchun 10 oyga diskvalifikatsiya qilindi.
Xabarlarga ko'ra, italiyalik yarim himoyachi "Milan"da o'ynaganida ushbu klub o'yinlariga pul tikgan.
U hozirda 3 million yevro qarzi borligini tan oldi. Kreditorlar futbolchining oyoqlarini sindirishini vada qilib, unga tahdid qilishganini ham aytdi.
Diskvalifikatsiya tufayli italiyalik futbolchi Angliya Premyer-ligasi mavsumining qolgan qismini, shuningdek, agar Italiya terma jamoasi saralashdan o‘ta olsa, 2024-yilgi Yevropa chempionatini o‘tkazib yuboradi.
Kelgusi sakkiz oy ichida Xalqaro futbol federatsiyasi (FIFA) bilan kelishuv doirasida Tonali davolanishi va tajribasi haqida bir qator suhbatlar o‘tkazishi kerak bo'ladi.
Futbolchining advokati aytishicha, uning mijozi "Ludomaniya" yoki Jahon sog'liqni saqlash tashkiloti ta'rifiga ko'ra "qimor o'yinlariga ruju qo'yish"dan aziyat chekadi.
