«Qulay muhit yaratish imkoniyati cheklangan kishilarning jamiyat hayotida faol ishtirok etishini ta’minlaydi» - Shahnoza Mirziyoyeva
«Qulay muhit yaratish imkoniyati cheklangan kishilarning jamiyat hayotida faol ishtirok etishini ta’minlaydi» - Shahnoza Mirziyoyeva
Ijtimoiy himoya milliy agentligi rasmiylari Xitoy vakillari bilan imkoniyati cheklangan kishilar reabilitatsiyasi, bandligi va inklyuziv ta’lim olishi bo‘yicha tashabbuslarni muhokama qildi.
Jamiyat
2024-05-09
678
Ijtimoiy himoya agentligi direktorining birinchi o‘rinbosari Shahnoza Mirziyoyeva Xitoy nogironlar federatsiyasi vakillari bilan uchrashdi.
«Bu - kelgusida hamkorligimizni yanada rivojlantirish uchun ko‘plab fikr-mulohazalar va muhim g‘oyalar tug‘ilishiga zamin yaratdi», deya ma’lum qildi u.
Federatsiya raisi Chen Kay bilan muloqot chog‘ida imkoniyati cheklangan kishilarning huquq va manfaatlarini qo‘llab-quvvatlashda sobitlik yana bir bor tasdiqlandi. Qulay muhit yaratish, hayotning barcha jabhalarida inklyuzivlikni rag‘batlantirish bu insonlarning jamiyat hayotida, madaniyat va sportda faol ishtirok etishini ta’minlaydi, o‘z salohiyatini ro‘yobga chiqarishga xizmat qiladi.
«Federatsiyaning bu boradagi ishlari chinakamiga barchani ruhlantiradi. Reabilitatsiya, bandlik va inklyuziv ta’lim olish bo‘yicha tashabbuslarni o‘zaro muhokama qildik. Albatta, cheklangan vaqt ichida har ikki tomonda olib borilayotgan keng ko‘lamli ishlarning faqat bir qismiga to‘xtala oldik, xolos», - deydi Shahnoza Mirziyoyeva.
