O‘zbekistonning Avstriyadagi elchisi xizmat vazifasiga kirishdi
Siyosat
2023-10-27
Yangi tayinlangan Favqulodda va Muxtor Elchi Baxtiyor Ibragimov Avstriya poytaxtiga yetib keldi.
Baxtiyor Ibragimov Venaga tayinlanishidan oldin Nyu-York shahrida O‘zbekistonning BMTdagi doimiy vakili (2017–2023 yillar), lavozimida ishlagan. Toshkent xalq xo‘jaligi institutini (hozir – Toshkent davlat iqtisodiyot universiteti) tamomlagan.
Ibragimov 1992 yildan buyon TIV tizimida ishlab kelmoqda. Vazirlik markaziy apparatida, shuningdek, O‘zbekistonning AQSH va Janubiy Koreyadagi elchixonalarida turli lavozimlarda faoliyat ko‘rsatgan.
U Favqulodda va Muxtor Elchi diplomatik darajasiga ega.
Baxtiyor Ibragimov 2020-2023 yillarda Venada elchi bo‘lib ishlagan Abat Fayzullayev o‘rniga tayinlandi.
