G'azoga gumanitar yordamning ikkinchi partiyasi kirib keldi
Biroq, BMT aytishicha, aholi ehtiyojlarini qondirish uchun kuniga 100 ga yaqin yuk mashinasi kerak bo'ladi
Dunyo
2023-10-23
511
Gumanitar yuk mashinalarining ikkinchi karvoni Misr bilan chegaradagi Rafah nazorat punkti orqali G‘azo sektoriga yetib keldi, deb xabar berilmoqda.
22-oktyabr kuni sektorga dori-darmon, oziq-ovqat va yoqilg‘i olib ketayotgan jami 17 ta yuk mashinasi kirib kelgan. Bir kun oldin birinchi partiyada 20 ta mashina olib kirilgan edi.
BMT hisob-kitoblariga ko‘ra, G‘azoning ehtiyojlarini qondirish uchun kuniga 100 ga yaqin yuk mashinasi kerak bo‘ladi.
Xabarlarga ko'ra, Qatar 87 tonna oziq-ovqat va dori-darmon bilan ikkita samolyot yuborgan.
Avvalroq, Qohirada Falastin-Isroil muhokamasi sammitida ishtirok etayotgan davlat rahbarlari G‘azo sektoriga gumanitar yordam yetkazish bo‘yicha kelishuvga erishgandi.
Bu haqda Misr prezidentining rasmiy vakili Ahmad Fahmiy xabar bergandi.
21-oktyabr kuni G‘azoga insonparvarlik yordami yetkazilishi uchun Rafah nazorat-o‘tkazish punkti ochilgandi.
BMT Bosh kotibi Antoniu Guterrish gumanitar yordam yetkazilishini shaxsan kuzatish uchun nazorat-o‘tkazish punktiga kelgandi.
