Endi bog‘cha yo‘llanmasini qog‘ozda olish shart emas
Yo‘llanma shakllanishi bilan SMS xabar orqali ariza raqami va maxfiy kod yuboriladi. Uni bog‘cha mudirasiga ko‘rsatish kifoya
Jamiyat
2023-10-20
409
Endilikda, bog‘chaga shakllangan yo‘llanmani olish uchun Davlat xizmatlari markaziga borish shart emas, deb xabar beradi Adliya vazirligi.
Bugungi kunga qadar фyo‘llanmani DXMdan (agar markaz orqali yuborilgan bo‘lsa) olish lozim edi.
Endi esa yo‘llanma shakllanishi bilan SMS xabar orqali ariza raqami va maxfiy kod yuboriladi. Uni bog‘cha mudirasiga ko‘rsatish kifoya bo‘ladi.
Vazirlik aytishicha, maxfiy kod MTM mudirasiga aytilmagunicha u yo‘llanmani ko‘ra olmaydi va bu bilan korrupsiya holatlarining oldi olinadi.
