Bayden 18-oktyabr Isroilga boradi
Dunyo
2023-10-17
658
Bu haqda AQSh davlat kotibi Entoni Blinken ma'lum qildi. Shu bilan birga prezidentning Iordaniyaga safari ham ko‘zda tutilgan.
Oq Uyning strategik aloqalar bo‘yicha koordinatori Jon Kirbini bayonotiga ko‘ra, Bayden Isroilga safaridan so‘ng Iordaniyaga yo‘l oladi. U yerda Iordaniya, Falastin, Misr davlat rahbarlari bilan uchrashuv rejalashtirilgan.
Jo Bayden oldinroq “Xamas” Isroilga xujum qilgani uchun yo‘q qilinishi zarur ekanligini ta'kidlagandi. Shu bilan birgalikda Falastin davlati g‘oyasini qo‘llab-quvvatlab, Isroilning G‘azodagi okkupasiyasini qoralagan edi. AQSh prezidentining fikricha, Isroil armiyasi amerikalik harbiylar yordamiga muxtoj emas. Shunday bo‘lsa ham AQSh O‘rtayer dengiziga ikkita aviatashuvchi kemasini yubordi.
