Шавкат Мирзиёев Бухорога ташриф буюради

Президент Шавкат Мирзиёев бугун Бухоро вилоятига ташриф буюради. Бу ҳақда давлат раҳбари матбуот хизмати хабар берди.

Ташриф давомида ҳудудда олиб борилаётган бунёдкорлик ишлари ва маҳаллалар ҳаёти билан танишиш мўлжалланган.

Иқтисодиётнинг турли тармоқларида амалга оширилаётган лойиҳаларни кўздан кечириш ва янги объектларни ишга тушириш ҳам кўзда тутилган. 

Шунингдек, вилоятни ижтимоий-иқтисодий ривожлантиришнинг устувор вазифалари юзасидан йиғилиш ўтказилиши режалаштирилган.