Германия сиёсий доиралари орасидан “ола” чиқдими?
Siyosat
2024-04-16
517
Германияда ўта ўнгчи “Германия учун муқобил” (Alternative for Germany) партияси Россиянинг манфаатларини қўлловчи сифатида немис сиёсий доиралари ичида хавотирларнинг кучайишига сабаб бўлмоқда.
Гап шундаки, Германия давлат хавфсизлик хизматлари ўта ўнгчи партия вакилларининг Россия разведка ходимлари билан алоқада бўлганликларини аниқлаган. Бу эса Бундестагда Россия манфаатларини ҳимоя қилувчи қонун лойиҳаларининг маъқулланиши хавфини ошириши мумкин, дея ҳисобланмоқда.
Европа Москванинг таъсир кампанияларига қарши курашаётган бир пайтда, Alternative for Germany'нинг Россияга нисбатан санкцияга қарши позицияси хавотирларни кучайтирмоқда.
Alternative for Germany партияси Бундестагда 78 та (736 тадан) депутатга эга.
Европа мамлакатларидаги ўта ўнг қанот партиялар ва ҳаракатлар Россия томонидан молиялаштирилиши ва бошқа йўллар билан қўллаб-қувватланиши 2000 йиллар бошларидан бери Европа давлатлари элиталарининг хавотирларига сабаб бўлиб келган.
